حه‌مك

بهاره‌ و ریبار پێلا ل سه‌ر پێلێ

گول شلێر سوور دكه‌ن ل به‌رێ سیلێ

ئه‌لهو پر خه‌مله‌ ل هنداڤ نهێلێ

كه‌والێ كیڤى ل گاره‌ى لگوه نێلێ

یاته‌ ڤه‌گێراى هه‌میا گوهێ لێ

بیه‌ ئاوازا ده‌ڤ و بلیلێ

حه‌مك هه‌ى لولو حه‌مك هه‌ى لێ لێ

ژ ته‌شیا دیروكێ ناقه‌تێت به‌نك

ژ په‌ژن و بالاته‌ تهێن شه‌ل وشه‌پك

ده‌سته‌ك ل بن گوهى ئێك تزبى مورك

ل ته‌ هاتنه‌ كرن زوردارى و رك

شانازیێ ب ته‌ دكه‌ن سنج و سه‌رده‌پك

ببه‌ ئاوازا ده‌ڤ و بلیلێ

حه‌مك هه‌ى لولو حه‌مك هه‌ى لێ لێ

********************************

چ جار نه‌كه‌ڤه‌ به‌ر پێلێت خه‌مێ

كو نه‌گه‌هه‌شتیه‌ كومتێ مه‌ره‌مێ

زین ب هندێ ساخه‌ نه‌گه‌هه‌شت مه‌مێ

وه‌لێ نه‌مره‌ شاد نه‌بى بشه‌مێ

توژى ماى زیندى ژبه‌ر سینه‌مێ

حه‌مك هه‌ى لولو حه‌مك هه‌ى لێ لێ

********************************

ئه‌ز چومه‌ كه‌لێ كه‌لا ل ئه‌ڤرازى

ژبو سینه‌مێ هه‌ر تو داخازى

سه‌رشو ل سیلاڤێ ل بن دارا مازى

میر بساخى مرى و كه‌س ژێ نه‌رازى

لێ تو نه‌مرى ماى ب سه‌ر فه‌رازى

بیه‌ ئاوازا ده‌ڤ و بلیلێ

حه‌مك هه‌ى لولو حه‌مك هه‌ى لێ لێ

********************************

په‌یڤ: قادر قه‌جاخ